ირაკლი მეზურნიშვილი: იმ ღირსეული გუნდით, რომელიც „ქართულმა ოცნებამ“ კასპში წარადგინა, გაგრძელდება განვითარება




ირაკლი მეზურნიშვილის თქმით, „ქართულმა ოცნებამ“ კასპის მუნიციპალიტეტში ისტორიული პროექტები განახორციელა. დეპუტატმა ყურადღება გაამახვილა ტექნოლოგიური პარკის და პროფესიული კოლეჯის მნიშვნელობაზე.

„სასწაული ემოციაა, როდესაც კასპს ჰყავს თავისი საფეხბურთო კლუბი, რომელიც საქართველოს ეროვნული ლიგის წარმომადგენელია. მინდა აღვნიშნო პროფესიული კოლეჯი, სადაც ერთ თვეში, დაახლოებით 200-ზე მეტი ბენეფიციარი დარეგისტრირდა და ისინი ჩაირიცხებიან სხვადასხვა ვიწრო სპეციალობის მიმართულებით, კომპანიები ჩართულნი არიან, რათა მოხდეს მათი შემდგომი დასაქმება. დღეს, კასპს აქვს უნიკალური ინფრასტრუქტურა ტექნოლოგიური პარკის მიმართულებით, ეს არის ერთ-ერთი თანამედროვე და პერსპექტიული მიმართულება. პირველივე წლიდან, როდესაც მაჟორიტარი გავხდი, ჩვენს ბიუროში განვახორციელეთ გადამზადების პროგრამა. ძალიან ბევრი ახალგაზრდა აღმოვაჩინეთ, უნიჭიერესი თაობაა კასპში. დარწმუნებული ვარ, რომ მომავალში ძალიან დიდი შედეგები გვექნება განათლების მიმართულებით. ასევე, ისტორიული პროექტი განხორციელდა სოფელ ხოვლეში, აშენდა ისტორიული სკოლა. ამ პროექტების უკან რეალური ადამიანები დგანან - რეალური ემოციებით. რა თქმა უნდა, ჩვენს რაიონში გამოწვევა ძალიან ბევრია, მაგრამ დარწმუნებული ვარ, იმ ღირსეული გუნდით, რომელიც წარადგინა, „ქართულმა ოცნებამ“, ის დამაჯერებლად გაიმარჯვებს’’, - განაცხადა ირაკლი მეზურნიშვილმა.


)